Apela ni Mayor Sara Duterte sa Comelec at Smartmatic: Maging tapat

Umaapela si Presidential daughter at Davao city Mayor Sarah Duterte – Carpio sa Commission on Elections (Comelec) at Smartmatic na maging tapat ngayong araw ng eleksyon.

Pahayag ito ni Duterte-Carpio sa gitna ng responsibilidad na haharapin ng Comelec at Smartmatic ngayong araw sa sandaling magsimula na ang bilangan.

Dapat aniyang maging faithful ang Comelec at Smartmatic sa gagawing pagbilang ng mga boto.

Bago mag-alas 9:00 ng umaga ay nakaboto na ang Presidential daughter sa Daniel R. Aguinaldo National Highschool sa lunsod ng Davao.

Hinikayat din nito ang mga botante na lumabas ng kanilang mga tahanan at gamitin ang kanilang karapatang bomoto sa mga kandidatong karapat-dapat na maupo sa pwesto.