Manny Pacquiao, susunod na makakalaban si Keith Thurman sa Hulyo

By: Angellic Jordan - 5 years ago

Photo grab from Senator Manny Pacquiao’s Twitter post

Magbabalik si Filipino boxing legend na si Manny Pacquiao sa boxing ring sa buwan ng Hulyo ngayong taon.

Sa kaniyang Twitter account, inanunsiyo ni Pacquiao ang nakatakda nilang paghaharap ni undefeated champion Keith Thurman sa July 20.

Isasagawa ang Pacquiao-Thurman fight anim na buwan matapos maidepensa ng Pinoy boxer ang WBA (Regular) welterweight title kontra kay Adrien Broner noong January 19 sa Las Vegas, USA.

Wala pa namang binanggit na ibang detalye kung saan gaganapin ang boxing match.

Si Thurman ang kasalukuyang WBA (Super) welterweight champion at mayroong 29-0 win-loss record kung saan 22 rito ay knockout.