Rollback sa presyo ng petrolyo inanunsyo ng ilan pang kumpanya ng langis

Nag-anunsyo ng rollback sa presyo ng produktong petrolyo ang ilan pang mga kumpanya ng langis araw ng Sabado.

Sa abiso ng Petro Gazz, may bawas sila na P1.25 sa kada litro ng gasolina epektibo alas 6:00 ng umaga sa Martes May 14.

Wala namang inanunsyo ang naturang kumpanya na tapyas sa presyo ng diesel.

Samantala, inanunsyo ng Seaoil ang rollback na P1.25 sa kada litro ng gasolina, P0.30 sa kada lito ng kerosene pero wala ring paggalaw sa presyo ng diesel.

Epektibo naman na ngayong araw ng Linggo ang bawas-presyo ng Seaoil.

Una nang narollback ang Phoenix Petroleum ng P1.30 sa kada litro ng gasolina.