3 gwardya arestado sa paglabag sa gun ban sa Negros Occidental

Tatlong gwardya ang nahaharap sa kasong illegal possession of firearms dahil sa paglabag sa gun ban ng Commission on Elections (Comelec).

Naaresto ang tatlo matapos umanong maglagay ng checkpoint sa national highway sa Barangay Maytubig, Isabela, Negros Occidental.

Ayon sa pulisya, hinaharang ng mga gwardya ang mga tataong boboto sa Lunes na makapasok sa bahagi ng highway na nagkokonekta sa polling precincts.

Ang mga gwardya ay inutusan umano ng mga pulitiko sa lugar na bantayan ang checkpoint.

Tumanggi ang pulisya na pangalanan ang kandidato dahil iniimbestigahan pa ang pangyayari.