“Muli, ibinibigay ko ang suporta dahil naniniwala ako na mahusay po, matinong lider, na Senador ang aking sinusuportahan,” ayon kay Geronimo sa campaign rally sa Tanauan Institute.
Sinabi ni Geronimo na nakita rin niya ang sinseridad sa pagse- serbisyo ni Angara.
Ayon sa pop star princess, naniniwala siyang mas marami pang magagawa ang senador.
“Marami na siyang nagawa at naniniwala ako na marami pa siyang magagawa, maitutulong para sa ikauunlad at ikaasenso ng ating bayan at para matugunan ang pangangailangan ng ating mga kababayan,” ayon kay Geronimo.
Hindi lang aniya sa pag endorso at pagsuporta ang kanyang relasyon sa pamilya angara kundi higit pa.
Nagsimula aniyang maging close ang kanilang pamilya noon pang 2007.
Palagi aniyang pinaalalahanan ng nakatatandang Angara ang kanyang ina na si Divine na papagtapusin siya sa pag-aaral.
Ayon kay Geronimo isa ang kanyang Tito Ed sa kanyang mga inspirasyon.
Nagpasalamat naman si Angara sa suprota ni Geronimo.
Nangangampanya sina Angara at Geronimo ngayong araw sa Batangas, Laguna at Cavite.
