Holiday sa May 14 hindi na ipipilit ng DOE

Hindi na ipipilit ng Department of Energy (DOE) ang pagdedeklara ng holiday para sa May 14 o isang araw pagkatapos ng May 13 elections.

Sinabi ito ni Energy Undersecretary Felix Fuentebella.

Sa ngayon sinabi ni Fuentebella na wala namang pangamba na magkakaroon ng brownout sa kasagsagan ng canvassing ng botohan.

Bumaba na rin kasi aniya ang demand sa kuryente dahil nakararanas na ng pag-ulan nitong nagdaang mga araw.

Una nang sinabi ng DOE na pinag-aaralan nilang hilingin kay Pangulong Rodrigo Duterte na ideklara ding holiday ang May 14,

Ito ay upang matiyak na sapat ang power supply sa simula ng bilangan.