Arestado ang isang mag-asawa sa isinagawang buy-bust operation ng pulisya sa Cenacle Drive, Brgy. Culiat, Quezon City.
Ayon kay Police Lt. Col. Alex Alberto ng QCPD Station 3, parokyano ng mag-asawa ang ilang mga residente sa lugar.
Nakikipagtransakyon umano ang mga ito sa isang paradahan ng tricycle.
Positibong nakabili ang police poseur buyer ng P1,000 halaga ng hinihilang shabu mula sa mag-asawa.
Nakumpiska mula sa mga ito ang nasa 30 gramo ng shabu na tinatayang nagkakahalaga ng P200,000.
Pinabulaanan naman ng dalawang suspek na sa kanila ang mga nakuhang shabu.
Mahaharap ngayon ang mag-asawa sa kasong paglabag sa RA 9165 o Comprehensive Dangerous Drugs Act of 2002.
MOST READ
LATEST STORIES