P105,000 halaga ng shabu narekober sa Silay City

Nasamsam ng mga awtoridad ang P105,000 halaga ng hinihinalang shabu sa buy-bust operation sa Brgy. Guinhalaran, Silay City Lunes ng hapon.

Ayon sa Silay City Police – Drug Enforcement Unit, nakilala ang suspek na si Rajean Pescadilla, residente sa lugar.

Nasa pitong gramo ang bigat ng nakuhang shabu mula sa suspek at mayroon ding nakumpiskang improvised tooter.

Kasalukuyang nasa custodial facility ng Silay City Police ang suspek habang inihahanda ang mga kasong isasampa dito partikular ang paglabag sa Comprehensive Dangerous Drugs Act.