28 bayan sa Calabarzon region, itinuturing na election hotspot – PNP

Aabot sa 28 siyudad at bayan sa Region IV-A o Calabarzon area ang itinuturing na election hotspots ng Philippine National Police (PNP).

Ayon sa PNP, ang mga nabanggit na lugar ay may kasaysayan na ng kaguluhan sa mga nakalipas na eleksyon.

Dagdag ng PNP, matindi rin ang bangayan sa pulitika ng mga magkakalabang pulitiko.

Bukod dito, laganap din ang insurgency sa 28 lugar kung kaya ikinonsiderang election hotspot.