Naitala ng Golden State Warriors ang kanilang ika-23 panalo na isa sa pinaka-mahabang winning streak sa kasaysayan ng NBA makaraan nilang talunin ang Indiana Pacers sa iskor na 131-123.
Pinangunahan ni Klay Thompson ang kampanya ng Golden State makaraan siyang gumawa ng bagong career-high na 39-points at 12-rebounds.
Ang kasalukuyang Most Valuable Player na si Stephen Curry at kumamada naman ng 29-points at 10 rebounds.
Sinubukan pang humabol ng Pacers sa 3rd quarter sa pangunguna ni Paul George na mayroong 32-points pero hindi nila kinaya ang sunud-sunod na puntos na pinakawalan ng Warriors.
Ilang panalo na lang ang kailangan ng team ni Curry para maabot ang 33-0 longest winning streak na naitala ng L.A Lakers noong 1971-72 season ng NBA.