5 sugatan nang bumaliktad ang kanilang sinasakyan sa Makati City

Limang pasahero ang sugatan nang bumaliktad ang sinasakyan nilang van na nasangkot sa isang banggaan sa isang suv sa Makati kahapon.

Nangyari ang aksidente sa intersection ng EDSA Southbound at Ayala Avenue sa Brgy. Urdaneta.

Sa inisyal na report ng mga pulis, binabagtas ng Mitsubishi adventure ang kahabaan ng Southbound lane at binabaybay naman ng Escalade ang kahabaan ng Westbound lane.

Nang marating na nila ang intersection, tumama ang front right bumper ng Escalade sa hulihan ng Mitsubishi na naging dahilan ng pagbaliktad nito.

Dinala na sa Makati Medical Center ang mga sugatan at iniimbestigahan pa ang nangyaring aksidente.