5 suspek, naaresto sa isinagawang buy bust sa Quezon City

Naaresto ang limang suspek sa ikinasang buy bust operation sa Quezon City, Sabado ng madaling araw.

Ayon kay Police Lt. Harry Basilio ng Talipapa Police Station, minamanmanan na nila ang mga suspek dahil sa mga report na kanilang natatanggap.

Narekober sa mga suspek ang limang gramo ng shabu na nagkakahalaga ng P30,000.

Sa isa namang operasyon naman, naaresto ang isang lalake na umano’y tulak ng droga.

Pitong sachet ng shabu ang nasamsam sa kaniya na may halagang P60,000 hanggang P70,000.