Umabot na sa 3.5 million na mga bata ang nabakunahan ng Department of Health (DOH).
Inilahad ito ng DOH kasabay ng pagdiriwang ng World Immunization Week.
Ayon sa DOH, base sa kanilang datos, as of February 2019, nasa 3.5 million na mga bata na ang tumanggap ng bakuna para maiwasan ang iba’t ibang uri ng sakit.
Sinabi ni Health Sec. Francisco Duque III na nagpapakita lamang ito na tumaas na ang kumpiyansa ng publiko sa bakuna.
Kasabay nito ay pinasalamatan ni Duque ang mga tinawag niyang ‘vaccine heroes’ na kinabibilangan ng health workers, local health leaders, gayundin ang mga magulang at community members, national government agencies, institutional partners, NGOs at private sectors.
MOST READ
LATEST STORIES