Tricycle driver patay sa pamamaril sa QC

Nasawi ang isang tricycle driver matapos itong barilin sa Barangay Bungad, Quezon City Huwebes ng gabi.

Kinilala ang namatay na si Gilbert Magtangob na nagtamo ng tama ng bala ng baril sa ulo at katawan.

Ayon sa pulisya, namamasada ang biktima at may sakay na pasahero nang ito ay barilin.

Pagbaba ng pasahero sa Laguna St. lumapit ang isang lalaking naka-motorsiklo at binaril ang biktima.

Inaalam ng pulisya kung magkasabwat ang pasahero at ang gunman na sabay tumakas.

Iniimbestigahan din ang motibo sa krimen.