Lima arestado sa buy-bust operation sa Maynila

Timbog ang limang lalaki sa buy-bust operation na isinagawa ng pulisya sa Tondo, Maynila alas-11:10 ng gabi ng Huwebes.

Ayon kay Pol/Cpt. Val Valencia. target ng operasyon si Renemar Mandap, 45 anyos na nasa watch list ng pulisya at dati nang nakulong dahil din sa droga.

Positibong nakabili ng droga ang poseur buyer mula sa suspek.

Arestado rin sa operasyon ang apat na iba pa na nakilalang sina Carlito Arañas, Rodel Mamucod, Cristina Mamucod at Jeffrey Lorella.

Nakuha mula sa operasyon ang 20 small at medium plastic sachets ng hinihinalang shabu na tinatayang nagkakahalaga ng P6,400.

Mahaharap ngayon ang mga suspek sa kasong paglabag sa RA 9165 o Comprehensive Dangerous Drugs Act of 2002.