Inaprubahan ng Department of Trade and Industry (DTI) ang dagdag-presyo sa ilang brands ng sardinas, noodles at condiments.
Ang local brands ng sardinas na Atami, Family, Master, Mega at Mikado ay may dagdag na P0.50 hanggang P1 kada lata.
Habang ang imported brands na Rosebowl at Saba ay tataas ng P1.35 hanggang P1.70 kada lata.
Ang Lucky Me at Payless na instant noodles naman ay may dagdag na P0.20 hanggang P0.45 sa kada pakete.
Ang mga pampalasa tulad ng toyo at patis ay magmamahal din ng P0.20 hanggang P0.45 kada container.
Nasa P0.55 hanggang P2 naman ang taas-presyo sa kada pakete ng asin at P0.30 sa bawat pakete ng sabong panligo.
Sinabi naman ni Trade and Industry Usec. Ruth Castelo na marami pa rin naman ang brands na hindi nagtaas ng presyo kaya may pagpipilian pa rin ang mga consumer.