46.9 degrees Celsius na heat index naitala sa Casiguran, Aurora kahapon

Naitala ang pinakamataas na heat index araw ng Miyerkules sa Casiguran, Aurora.

Ayon sa Pagasa, umabot sa 46.9 degrees Celsius ang heat index sa lugar alas 2:00 ng hapon.

Ilan pang lugar ang nagtala ng mapanganib na heat index na lampas 41 degrees Celsius.

Ikinukunsidera ng Pagasa na mapanganib ang heat index na 41 degrees Celsius pataas.

Alas 11:00 ng umaga ay nasa 46.3 degrees Celsius ang heat index sa Guian, Eastern Samar habang 45.6 degrees Celsius naman sa Dagupan, Pangasinan alas 2:00 ng hapon.

Sa Metro Manila, naitala ng 40 degrees Celsius na heat index alas 4:00 ng hapon partikular ang 42.3 degrees Celsius sa heat index sa NAIA sa Pasay City.