12 anyos na bata patay matapos ma-trap sa nasunog na tindahan sa Rizal

Patay ang isang dose anyos na batang lalaki makaraang ma-trap sa isang nasunog na tindahan sa Barangay San Isidro, Rodriquez, Rizal, Lunes ng hapon (Apr. 29).

Sa inisyal na imbestigasyon, isang bata rin ang nagsindi ng apoy sa tindahan na mayroong mga ibinebentang gas sa Southville 8B.

Doon na nagsimulang magliyab ang apoy.

Nagawang makatakbo ng dalawang bata, pero ang dose anyos na biktima ay na-trap na sa tindahan.

Magkakadikit ang mga bahay sa lugar kaya maliban nasunog na tindahan ay nasunog din ang katabing bahay nito.

Patuloy pa ang imbestigasyon ng Rodriguez Fire Department sa insidente.