1 patay, 2 arestado sa buy bust sa Laguna

Patay ang isang drug suspect at timbog naman ang dalawang kasama nito sa ikinasang buy bust operation ng pulisya sa San Pablo City, Laguna Lunes ng umga.

Ayon kay Major Ryan Orapa, nanlaban ang suspek na si Manuel Cueto nang matunugan na pulis ang nabentahan nito ng sachet ng shabu sa Barangay Santiago II.

Dahil nagpaputok si Cueto, napilitan ang mga pulis na gumanti na naging dahilan ng pagkamatay ng suspek.

Narekober sa suspek ang 10 gramo ng shabu habang 5 gramo ang nakuha sa dalawa nitong kasabwat.