Trainer aircraft, nagcrash landing sa karagatan ng Calapan Oriental Mindoro

Isang trainer aircraft ang nagcrash landing sa dagat 500 metro mula sa Calapan Airport Oriental Mindoro ngayong umaga matapos itong magsagawa ng touch & go exercise.

Ayon kay Eric Apolonio, tagapagsalita ng CAAP, ang trainer aircraft na may registry RP C2280 ay napag alaman na pag aari ng Sapphire Intl Avaiation Academy .

Hindi naman nasaktan ang piloto na nakilalang si Capt Angelo Zerna at ang student pilot na si Mark Mendoza pero dinala pa rin ang mga ito sa ospital para ma check-up.

Samantala, nagpadala na ng mga tauhan mula sa AAIIB o Aircraft Accident Investigation & Inquiry Board para matukoy kung ano ang naging sanhi ng insidente.