Surigao del Norte niyanig ng sunud-sunod na lindol

Nakapagtala ang Phivolcs na ilang mahihinang pagyanig sa Surigao del Norte madaling araw ng Sabado.

Alas-2:43 ng madaling araw nang maitala ang magnitude 3.9 na lindol sa bayan ng General Luna.

Sinundan ito ng magnitude 4.6 na lindol bandang 3:11 ng madaling araw.

Ang ikatlong pagyanig ay naitala dakong alas-4:08 ng madaling araw sa magnitude 4.6.

Makaraang ang 20-minuto ay naramdaman naman ang magnitude 5 na lindol na sinundanan ng magnitude 4.5 quake bandang alas-5:22 ng madaling araw.

Biyernes ng hapon nang yanigin ang Surigao del Norte ng magnitude 5.3 na lindol.