Yellow alert sa Luzon grid, lifted na ayon sa NGCP

By: Dona Dominguez-Cargullo - 6 years ago

Binawi na ng National Grid Corporation of the Philippines (NGCP) ang yellow alert na naunang itinaas sa Luzon grid ngayong araw.

Ayon sa abiso ng NGCP, alas 4:55 ngayong hapon, lifted na ang yellow alert.

Ito ay dahil sa bumaba na ang demand sa kuryente.

Kaninang umaga inanunsyo ng NGCP ang pag-iral ng yellow alert sa Luzon grid mula alas 10:00 ng umaga hanggang alas 4:00 ng hapon.

Hindi naman na nagtaas ng red alert ngayong araw kaya hindi na kinailangang magpatupad ng rotational brownout.