Lider ng private armed group sa Maguindanao aresto ng PNP

Inaresto ng mga tauhan ng Philippine National Police (PNP) – Criminal Investigation and Detection Group (CIDG) ang hinihinalang lider ng isang private armed group sa Maguindanao.

Ang suspek na si Datu Ibrahim Sema Sinsuat Jr., ay nadakip sa kaniyang hideout Biyernes (Apr. 26) ng umaga.

Si Sinsuat ay pinaniniwalaang lider ng Datu Ibrahim S. Sinsuat Group.

Nakuha sa kaniya ang isang 9-millimeter pistol, isang .45-caliber pistol, isang M16 rifle, apat na magazines at 84 na rounds ng iba’t ibang mga bala.

Kasong paglabag sa RA 10591 o Comprehensive Firearms and Ammunition Regulation Act ang isasampa laban sa suspek.