Barangay chairman sa Isabela arestado sa hindi lisensyadong mga armas

Inaresto ang ang isang kapitan ng barangay sa lalawigan ng Isabela makaraang makuhanan ng mga hindi lisensyadong armas.

Kinilala ang naaresto na si Reynaldo Hope, kapitan sa Barangay Gud, bayan ng San Isidro sa Isabela.

Bitbit ang search warrant, nagtungo ang mga tauhan ng Isabela Police office sa tirahan ng suspek.

Nakuha kaky Hope ang siyam na iba’t ibang kalibre ng mga baril, 17 magazines, 345 na mga bala at 27 basyo ng bala.

Kabilang sa mga armas na nakuha sa kaniya ay Norinco M16 Rifle na may pinekeng serial numbers, Armscor .45 caliber pistol, at isang Daewoo caliber .380 pistol.

Ayon sa pulisya, sangkot ang suspek sa gunrunning activities sa 4th district ng Isabela.