2 construction worker arestado sa pagtutulak ng shabu sa QC

Arestado ang dalawang construction worker sa ikinasang buy-bust operation ng mga otoridad sa Quezon City.

Target ng operasyon ang isa sa mga suspek na kilalang supplier ng ilegal na droga sa Baesa, Novaliches.

Nakabili ng ilegal na droga ang poseur buyer ng Quezon City Police District station 3 laban sa suspek.

Maliban sa target na pusher, inaresto din ang isa pa niyang kasamahan.

Aminado naman ang suspek na siya nga ay supplier ng shabu pero ang kasama nito ay tumangging sangkot siya sa ilegal na gawain.