Red Alert, ibinaba na ng NGCP ngayong gabi

Ibinaba na ng National Grid Coporation of the Philippines o NGCP ang Red Alert Notice sa Luzon grid kaninang 7:30 ng gabi.

Ito ay matapos itaas ang red alert dahil sa manipis na reserba ng kuryente ngayong araw.

Hindi rin ipinatupad ng NGCP ang dapat Manual Load Dropping o power interruption kaninang alas sais hanggang alas otso ng gabi.

Bagamat ibinaba na ang red alert ay maaari pa rin umanong magpatupad ng power interruption ngayong alas otso hanggang alas nuebe ng gabi sa mga parte ng cagayan, albay, at mga bahagi ng metro manila.

Patuloy pa rin umano ang pagmomonitor ng NGCP sa lagay ng grid at supply ng kuryente at magbibigay ng updates.