1 pulis, 2 suspek patay sa buy bust sa Antipolo

Nasawi ang isang pulis at dalawang drug suspects matapos mauwi sa shootout ang operasyon ng pulisya sa Antipolo City Martes ng gabi.

Kinilala ang namatay na pulis na si Patrolman Ariel Dapyawan na binawian ng buhay habang ginagamot sa ospital.

Habang ang patay na mga suspek ay nakilala lamang sa mga alyas na Echay at Laon.

Samantala, stable na ang kundisyon ng nasugatang pulis na si Police Staff Sgt. Joseph Monjardin na tinamaan ng bala sa tiyan.

Narekober sa crime scene ang isang shotgun at kalibre .38 na ginamit ng dalawang suspek.