MIAA, nagbabala sa airline companies sa pagkakansela ng flights

Nagbigay babala ang pamunuan ng Manila International Airport Authority (MIAA) sa mga airline company na huwag samantalahin ang nangyaring malakas na lindol sa Zambales upang magkansela ng flights.

Ito ay matapos lumabas ang report na may domestic carrier na nagkansela ng flights na papasok at papalabas ng Maynila.

Noong Lunes, naglabas ng abiso ang MIAA na walang naitalang pinsala sa mga terminals, runway, taxiway, at iba pang pasilidad ng NAIA matapos ang kanilang inspeksyo.

Pinaalalahanan din ni MIAA General Manager Ed Monreal ang mga airline na huwag ng pasakitan ang mga pasahero sa pagdedelay ng mga flights.

Siniguro naman ng MIAA chief sa mga pasahero na balik sa normal ang operasyon ng mga paliparan at walang silang dapat ikabahala.