15,000 pulis, ipakakalat sa Metro Manila sa May 13 polls

Ipakakalat ang nasa 15,000 pulis sa Metro Manila sa mismong araw ng midterm elections sa May 13.

Ayon kay National Capital Region Police Office (NCRPO) chief Maj. Gen. Guillermo Eleazar, ito ay para mapanatili ang anti-criminality efforts ng pulisya sa araw ng eleksyon.

Hindi lang aniya babantayan ng pulisya ang mga polling center at canvassing area kundi ang iba pang matataong lugar.

Sinabi pa ni Eleazar na hindi maaaring magpakampante ang pulisya.

Mayroon din aniyang template na sinusunod ang Philippine National Police (PNP) at Armed Forces of the Philippines (AFP).