LOOK: CJ Bersamin nag-inspeksyon sa Korte Suprema matapos ang lindol kahapon

Personal na ininspeksyon ni Supreme Court Chief Justice Lucas Bersamin ang gusali ng Mataas na Hukuman matapos ang malakas na lindol kahapon.

Inikot ni Bersamin ang mga tanggapan upang malaman kung mayroon bang naging pinsala ang lindol.

Kaugnay nito, inatasan na rin ni Bersamin si Court Administrator Jose Midas Marquez na agad ipa-inspeksyon ang mga court house sa Central Luzon at sa Metro Manila.

Ito ay upang masiguro na walang pasilidad na nagtamo ng pinsala.

Ngayong araw ay suspendido ang pasok sa mga korte sa Metro Manila at Central Luzon.

Samantala, sa DOJ, inatasan na ni Justice Sec. Menardo Guevarra si Assistant Secretary Sulit na pangunahan ang inspeksyon sa mga opisina ng kawanihan.