PAL nagkansela ng ilang flights sa Clark International Airport sa gitna ng pinsala ng lindol

Nagkansela ang Philippine Airlines (PAL) ng ilang biyahe papunta at paalis ng Clark International Airport matapos mapinsala ng malakas na lindol ang paliparan.

Ang sumusunod ang kanseladong PAL flights:

PR 2834 Clark-Cebu

POR 2833 Cebu-Clark

PR 2840 Davao-Clark

Ayon sa airline, ang mga naapektuhang pasahero ay pwedeng magpa-rebook o mag-iba ng ruta ng biyahe sa loob ng 30 araw mula sa orihinal na petsa ng flight ng walang babayarang penalty.

Inabisuhan ng PAL ang mga pasahero na bisitahin ang kanilang Facebook page o ang website ng kumpanya para sa update.

Isinara ng Civil Aviation Authority of the Philippines (CAAP) ang Clark Airport habang inaalam pa ang pinsala sa terminal building.