Mga motoristang babalik ng Metro Manila inaasahang dadagsa ngayong araw

Inaasahan na ang dagsa ng mga motoristang babalik sa Metro Manila ngayong araw.

Sa North Luzon Expressway, pasado alas 5:00 ng umaga ngayong araw ay may build up na ng mga sasakyan sa southbound ng Bocaue Toll Plaza.

May bahagya na ring build up sa Balintawak Toll Plaza at sa Mindanao Avenue.

Ayon sa pamunuan ng NLEX maari namang mabawasan na ang bilang ng mga motoristang babalik sa Metro Manila kumpara sa dami ng mga motoristang sabay-sabay na umalis nuong Huwebes Santo.

Ang iba kasi ay piniling bumalik ng mas maaga.

Nuong Sabado may mga bumiyahe na pabalik ng Metro Manila.

Habang kahapon, araw ng Linggo, pagsapit ng hapon ay marami na ring motorista ang bumiyahe sa Souhtbound ng NLEX pabalik ng Metro Manila.