Ayon kay Maj. Maria Luisa Calubaquib, information officer ng Bicol police, unang nakuha ang P17 milyong halaga ng ilegal na droga sa ikinasang buy-bust operasyon sa Nigerian businessman na si Azubuike Onwigbolu, 32-anyos, sa Barangay Triangulo sa Angeles City, Pampanga bandang 12:15 ng madaling-araw.
Sinabi ng pulisya na dumating si Onwigbolu sa Naga tatlong araw bago ito naaresto ng mga otoridad.
Sa hiwalay na operasyon, huli ang suspek na si Judith Camacho, 46-anyos, at isa pang Nigerian na si Mbaneto Sopuluchukwu o mas kilala bilang Hermann Kurt Philip, 22-anyos bandang 10:45, Sabado ng umaga.
Ani Calubaquib, isa si Camacho sa mga supplier ng shabu sa naturang probinsya.
Narekober ng mga pulis ang isang ice plastic bag na naglalaman na hinihinalang shabu.
Ayon sa pulisya, aabot ang halaga ng kontrabando sa P680,000.