CBCP, mananatiling non-partisan sa 2019 elections – Bishop Palma

Mananatiling non-partisan ang Catholic Bishops Conference of the Philippines (CBCP) sa May 13 elections.

Ayon kay Cebu Archbishop Jose Palma, walang iindorsong kandidato ang Simbahang Katolika sa eleksyon.

Pero ayon kay Palma, patuloy na gagabayan ng Simbahang Katolika ang mga botante sa pagpili sa tamang kandidato.

Dapat aniyang tignan ng mga botante ang kwalipikasyon ng mga kandidato.

Kasabay nito, hinikayat ni Archbishop Palma ang mga kandidato na maging instrumento para sa pagbabago sa lipunan.