Tradisyonal na salubong para sa Linggo ng Pagkabuhay, tahimik na idinaos sa San Agustin Church

Nagsagawa ng tradisyonal na salubong para sa Linggo ng Pagkabuhay ang San Agustin Church sa Intramuros, Maynila.

Ito ay bahagi pa rin ng selebrasyon ng Easter Sunday at paggunita sa huling araw ng Semana Santa.

Nagkaroon ng maliit na programa kung saan may mga batang nakabihis anghel ang sumayaw at kumanta bago ang mismong pagsalubong sa dalawang imahen ni Maria at Kristo.

Mayroon ding ginanap na misa bago ang nasabing salubong.

Walang naging gulo habang isinasagawa ang programa at malinis na iniwan ng mga tao ang pinangyarihan ng salubong.