DOH: Mga dapat gawin kung magkaroon ng Sore Eyes

Nagbigay ng tips ang Department of Health (DOH) sa mga dapat gawin kapag nagkaroon ng sore eyes ngayong tag-init.

Kapag nagkaroon umano nito ay hugasan ang kamay gamit ang sabon at tubig kapag hahawakan ang mata.

Huwag ding hawakan o kuskusin ang mata gamit ang mga daliri.

Sa pag-aalis naman ng muta ay gumamit ng malinis na bulak o paper towel.

Labhan at palitan ang mga pundang unan araw-araw upang maiwasan ang impeksiyon.

Maaari ring gumamit ng eyedrops ayon sa payo ng doktor.

Mas marami ang nagiging kaso ng Sore Eyes kapag panahon ng tag-init.