Pinasabugan ng granada ang cell site ng Globe Telecom sa Bangued, Abra araw ng Martes.
Napinsala ang radio/control room ng cell site dahil sa natagpuang mga shrapnel ng pinaniniwalaang granada.
Narinig pa ng guwardyang si Jerald Ortega Belarez ang pagsabog na ilang metro lamang ang layo sa kanyang kinarorooonan habang nagro-roving.
Kaagad na ipinaalam ni Belarez sa Bangued police ang insidente at dito namataan ang limang metallic fragments at isang safety lever na sinasabing bahagi ng fragmentation hand grenade.
Patuloy ang isinasagawang imbestigasyon ng pulisya sa motibo ng pagpapasabog.
Wala pang inilalabas na pahayag ang Globe Telecom sa insidente.
Kinumpirma naman ng supervisor ng telcom cell site na hindi nito naapektuhan ang kanilang operasyon.
Ang Abra ay nasa ilalim ng red category o areas of grace concern ng pulisya at Commission on Elections (Comelec) para sa May 13 elections.