Nasawing babaeng detainee sa Biñan, Laguna negatibo sa meningococcemia

Negatibo sa meningococcemia ang nasawing babaeng detainee sa Biñan City, Laguna noong April 6, ayon sa Department of Health (DOH).

Ayon kay Dr. Eduardo Janairo, hepe ng Health Department sa Calabarzon, lumabas ang resulta mula sa isinagawang test ng Research Institute for Tropical Medicine (RITM) sa Muntinlipa City.

Matatandaang itinakbo ang babaeng detainee sa Ospital ng Biñan matapos mawalan ng malay.

Nang dalhin sa ospital, sinabi ni hospital director Dr. Melbril Alonte na nakitaan ito ng mga simtomas ng meningococcemia.

Agad nagsagawa ng prophylaxis at nagpamigay ng face masks sa 150 bilanggo at jail guards sa naturang police detention center.