Lalaki arestado matapos mangholdap ng studyante sa Caloocan

Arestado ang ang isang 30-anyos na lalaki matapos mangholdap ng isang estudyante sa Barangay 178 sa Camarin, Caloocan, gabi ng Linggo (April 15).

Naghatid lamang ng case ng softdrinks sa kapitbahay sa Guyabano Street at pauwi na sana ang Grade 9 student na si alyas Jay nang tutukan siya ng patalim ng suspek na nagdeklara ng holdap.

P500 ang natangay ng suspek sa biktima.

Nakahingi agad ng saklolo si alyas Jay sa kaniyang tiyuhin at mga otoridad kaya agad na naaresto ang suspek.

Narekober sa suspek ang umano’y pera ng biktima at isang tactical knife. Napag-alaman rin na walang trabaho ang naarestong suspek.