Online at electronic banking channels ng BPI, ayos na

Naglabas ng abiso ang pamunuan ng Bank of the Philippine Islands o BPI na ayos na ang kanilang online at banking channels, Sabado ng gabi.

Ayon sa BPI, bagamat magagamit na ang mga banking channels ay makakaranas pa rin ang mga customer ng kaunting kabagalan sa paggamit ng mga ito.

Magbabalik din umano ang normal na usage traffic at access sa mga susunod na oras.

Nagpasalamat naman ang BPI sa pag-unawa ng kanilang mga customers sa isinagawang system maintenance.

Matatandaang nagsagawa ng tatlong araw na scheduled maintainance ang banko kung saan hindi magamit ang kanilang mga electronic channels.