Ayon sa mga youth leaders, kung gusto ng mga pulitiko ang suporta ng mga kabataan, kailangan muna nilang solusyunan ang isyu sa coal energy, destructive mining at mga plastics.
Ayon kay Rara Ada ng Philippine Movement for Climate Justice, kung kukunsuntihin nila ang mga nang-aabuso sa kapaligiran ay wala silang suportang makukuha.
Nagpaalala din si Madelene De Borja ng Nagkakaisang Iskolar Para sa Pamantasan st Sambayanan (KAISA UP) na ang mga kabataan ay hindi lamang tagapagmana kundi tagapagtanggol din ng mundo.
Hinikayat naman ni Jhay Em Forcado, youth delegate ng Bantay Kita, ang mga kabataan na makiisa sa nalalapit na eleksiyon.
Base sa data ng Commission on Elections, ang mga kabataang may edad na 18 hanggang 35 ay binubuo ng 1/3 na bilang sa 61 million voters sa 2019 midterm elections.