82 anyos na Pinoy na napaulat na nawawala, natagpuang patay sa California

Isang 82 anyos na Pinoy na napaulat na nawawala ang natagpuang patay sa Torrance, California, USA.

Nakilala ang Pinoy na si Francisco Candelario na nakitang palutang-lutang sa isang creek.

Unang iniulat na nawawala si Candelario noong April 2 at huling nakitang sakay ng kaniyang mini van.

Ang creek kung saan nakita ang kaniyang katawan ay mahigit 5-metro ang layo kung saan nakita naman ang kaniyang sasakyan.

Sa ngayon patuloy pa ang paghihintay sa resulta ng otopsiya sa katawan ng biktima at sa ginawang forensic examination sa mini van.

Kabilang din sa iniimbestigahan ay kung nalunod ba si Candelario o kung may anggulong homicide sa kaso.