Nawawalang fighter jet ng Japan natagpuan sa Pacific Ocean, piloto pinaghahanap pa rin

Natagpuan na ang wreckage ng fighter jet ng Japan na unang iniulat na nawawala.

Kahapon ay iniulat ng mga otoridad na nawawala ang Japanese F-35 stealth fighter habang nasa training mission.

Sa isinagawang search and rescue operation ay nakita ang bahagi nito sa Pacific Ocean malapit sa northern Japan.

Gayunman, hindi pa nakikita ang piloto ng eroplano.

Isang taon pa lamang na nagagamit ang nasabing fighter jet na inasemble sa Japan.

Sa ngayon ay patuloy ang paghahanap sa nawawalang pilot.