Sundalo, 2 CAFGU patay sa engkwentro sa Basilan

Tatlo ang patay sa engkwentro na naganap sa pagitan ng mga sundalo at Abu Sayyaf Group sa Sumisip, Basilan kahapon, araw ng Miyerkules (Apr. 10).

Ayon sa ulat mula sa AFP Western Mindanao Command, nasawi ang isang sundalo at dalawang miyembro ng Citizen Armed Force Geographical Unit (CAFGU).

Sakay ng mga motorsiklo ang mga tropa ng gobyerno nang maka-engwentro nila ang mga bandidong grupo.

Inaalam pa kung mayroong nasawi o nasugatan sa panig ng mga rebelde.

Kinondena naman ni Lt. Gen. Arnel Dela Vega, commander ng Western Mindanao Command ang pangyayari.

Nagsasagawa na aniya ngayon ng hot pursuit operation ang militar laban sa mga bandido.