Pagbabawal sa mga provincial bus sa Metro Manila ipinaubaya na ng Palasyo sa MMDA

Dumistansya ang Palasyo ng Malacañang sa balak ng Metropolitan Manila Development Authority (MMDA) na isara ang nasa 90 bus terminals sa Metro Manila sa hunyo.

Ayon kay Presidential Spokesman Salvador Panelo, ang MMDA ang nasa ground at higit na nakaalam sa sitwasyon sa trapiko sa Metro Manila.

Hindi aniya nakaugalian ng Malacañang na pakialaman ang trabaho ng ibang tanggapan.

Tiyak aniyang may ginawang feasibility study ang MMDA.

Una rito, sinabi ng MMDA na ililipat sa Valenzuela at Sta. Rosa, Laguna ang biyahe ng mga bus mula sa iba’t ibang probinsya.