Dalai Lama naospital sa India dahil sa chest infection

Isinugod sa ospital ang 83 anyos na Tibetan spiritual leader na si Dalai Lama.

Nasa New Delhi Hospital ngayon si Dalai Lama dahil sa chest infection.

Sa kabila nito, tiniyak naman ng mga malapit kay Dalai Lama na stable ang kondisyon ng Buddhist Monk.

Ayon sa kaniyang personal secretary na si Tenzin Taklha, nakaranas ng pananakit sa dibdib si Dalai Lama kaya dinala ito agad sa ospital.

Mananatili ito sa pagamutan ng tatlong araw para magpagaling.