P1.3M na halaga ng ari-arian natupok sa sunog sa garment factory sa Mandaue City

Umabot ng anim na oras bago tuluyang naapula ang sunog sa isang garment factory sa Mandauel City, Martes (Apr. 9) ng gabi.

Ayon sa Mandaue City Fire Station, nagsimula ang sunog alas 9:30 ng gabi ng Martes sa Lopez Jaena Street.

Umabot sa 2nd alarm ang sunog at alas 3:15 na ng madaling araw ng Miyerkules, Apr. 10 nang maideklara itong fire out.

Ayon kay Sr. Fire Office 1 Edson Dapal. umabot P1.3 million ang halaga ng pinsala ng sunog na nakaapekto din sa mga kalapit na establisyimento.

Wala namang nasaktan sa naganap na sunog at patuloy ang imbestigasyon sa kung ano ang pinagmulan ng apoy.