Mag-asawa timbog sa buy-bust sa Isabela City

Arestado ang mag-asawa sa isinagawang buy-bust operation sa Isabela City sa Basilan.

Ikinasa ang operasyon madaling araw ng Miyerkules, Apr. 10 sa Barangay Kaumpurnah Zone 1 sa naturang lungsod.

Ayon sa Philippine Drug Enforcement Agency, nakuha sa mag-asawa ang Pp34,000 na halaga ng shabu.

Ang lalaking suspek ay itinuturing ng PDEA na high-value target sa lalawigan.

Sasampahan ng reklamong paglabag sa Republic Act 9165 o Comprehensive Dangerous Drugs Act of 2002 ang mag-asawa.