ROTC susubukan muna sa 100 paaralan – Sen. Gatchalian

Dahil wala pang batas, malabong maipatupad pa ngayon taon ang pagkakaroon ng mandatory Reserve Officers Training Course o ROTC sa mga paaralan.

Ito ang sinabi ni Sen. Win Gatchalian ngunit aniya magtatalaga ng 100 pilot schools sa iba’t ibang bahagi ng bansa kung saan unang susubukan ang pagkakaroon ng mandatory ROTC.

Aniya sa ganitong paraan ay malalaman din ang mga isyu na maaring umusbong sa pagpapatupad ng basic military training sa mga paraalan.

Paglilinaw pa ng senador sa 100 pilot schools lang magiging mandatory ang ROTC at talagang aniya na kakailangin ng batas kung ito ay gagawing institutional dahil mangangailangan din ito ng pondo.

Kung sakali ay ipapatupad ang ROTC sa 11 libong eskuwelahan, sa mga senior high school students.