2 sakay ng motorsiklo patay matapos maaksidente sa Las Piñas City

Patay ang dalawang motorcycle rider matapos mabangga sa gutter ang sinasakyan nilang motorsiklo sa Pasay City, Martes (Apr. 9) ng madaling araw.

Idineklarang dead on arrival sa pagamutan ang angkas ng motorsiklo habang ang driver nito ay sinubukan pang i-revive subalit binawian din ng buhay.

Sa pahayag ng mga nakasaksi, galing sa bahagi ng Alabang-Zapote Road ang motorsiklo at lumiko sa Aguilar Avenue.

Mabilis umano ang andar nito kaya nawalan ng kontrol at nabangga sa gutter.

Sa lakas ng pagkakabangga, tumilapon ang dalawang sakay at nagpagulong-gulong pa ng ilang metro.

Pareho ding walang suot na helmet ang dalawa at hinihinalang nakainom.